O día 23 de febreiro
de 2015 os alumnos de 1 BACHARELATO D asistimos
a unha charla sobre a violencia de xénero na que, mediante a visión dunha curta e
coa axuda dunha psicóloga chamada Amanda Díaz Pena, falamos sobre o tema.
No comezo da charla Amanda ensinounos a curta, na que se
mostra a vida dunha muller chamada Julia que sofre maltrato do seu marido, chamado Marcos. Ao longo da súa
vida apreciamos como, mentres que as situacións externas á muller cambian, a
súa vida segue sendo igual de desgraciada.
Coa axuda da psicóloga apreciamos unha serie de signos fundamentais
para a comprensión da curta:
O
cinto: é a ferramenta que tiña o home para exercer control sobre a muller.
O
xoguete roto: que indica como a inocencia do seu fillo, Marquios, se quebra cando descobre
os malos tratos que sofre a súa nai. Marcos promete arranxalo pero nunca o fai, simboliza que o dano feito xamais se arranxa.
A
xuventude perpetua da muller: que simboliza como co paso do tempo as
situacións dos diversos membros da familia cambian pero a da muller non.
A
bañeira: que era unha especie de refuxio no que a muller se escondía da realidade
na que se vía envolta.
O anel: O compromiso entre ambos que a muller nunca aceptou
Despois da análise
dos diversos símbolos debatimos sobre a situación que viven algunhas mulleres que sofren a violencia psicolóxica e física, e como algunhas asociacións sen ánimo de lucro se dedican a
proporcionar axuda en situacións coma estas. A asociación Enriqueta Otero en
Lugo da que Amanda forma parte é unha destas asociacións, ás integrantes desta
asociación chámaselles “As quetas" e son tanto mulleres que sufriron esa mesma violencia como mulleres dedicadas á causa ainda sen sufrila.